Abstract
Í Saga Norðuroya sigur Kristian Osvald Viderø frá eini morðroynd í Svínoy miðskeiðis í 1800-talinum. Viderø upplýsir, at Sigga Ólavsdóttir og Mikkjal Jóhannesarson úr Svínoy, sum vórðu gift við ávikavist Skálta-Póli og Onnu Jóansdóttir, skuldu havt roynt at gera av við sínar hjúnafelagar. Grundin var, at tey høvdu fingið hug á hvørjum øðrum og vildu sleppa at liva saman. Mikkjal skuldi havt verið í Havn og hevði fingið hendur á eituri, sum hann gav Siggu burturav. Viderø nevnir einki beinleiðis um dóm, men hann veit tó at siga frá, at Mikkjal Jóhannesarson, Sunda-Mikkjal, varð sendur til Danmarkar at sita í fongsli og ongantíð kom aftur til Føroya. Sigga Ólavsdóttir var hinvegin sambært Viderø ósek í skuldsetingunum um morðroynd, slapp undan dómi og kom aftur til Føroya. Í hesi grein skal vera hugt eitt sindur aftur um hesa søguna hjá Viderø.
Translated title of the contribution | The last death penalty sentence in the Faroe Islands |
---|---|
Original language | Faroese |
Number of pages | 9 |
Volume | 2008 |
Specialist publication | Dimmalætting |
Publisher | Dimmalætting |
Publication status | Published - 20 May 2008 |
Keywords
- death penalty
- history
- Faroe Islands