Svartkalvaveiða og hiti í sjónum

Svartkalvi heldur seg til ávísan hita heldur enn til ávís dýpi á føroyska landgrunninum. Stórur svartkalvi er at finna í heitari sjógvi (2 - 7 °C) enn smáur svartkalvi (0 - 4 °C), møguliga fyri at halda sodningini gangandi á sama støði. Hesin sjóvarhiti er at finna, har dýpi er millum 400 og 650 metrar á føroyska landgrunninum, og tann kaldi sjógvurin er djúpari enn tann heiti. Av hesi orsøk er tann stóri svartkalvin oftari á grynri vatni enn tann smái. Teir einstøku svartkalvarnir tykjast at vera vandir við ein ávísan sjóvarhita, og stórur munur kann vera millum fiskar. Sjóvarhitin, har svartkalvagørn standa, kann broytast við fleiri gradum um dagin. Tí er hugsandi, at svartkalvin má flyta seg í mun til gørnini fyri at halda ein javnan sjóvarhita. Henda ferðing kann vera ørsøkin til, at svartkalvin endar í gørnunum.