Rákið á Føroya Banka

Leingi hava vit vitað, at æti og fiskur á Føroya Banka skilur seg frá økinum rundanum. Bankatoskur er t.d. skilliga ymiskum frá toski av Landgrunninum. So stórur munur krevur, at sjógvurin ikki blandast ov nógv millum økini. Mátingar av sjóvarhita á bankanum og rundan um hann benda eisini á, at sjógvurin á bankanum heldur sær leingi á honum, og helst kemst hetta av, at hann melur rundan um bankan eins og ávíst er fyri bankar aðrastaðni í heiminum. Í greinini verður greitt frá mátingum av rákinum við streymmátara og við drívboyum, ið høvdu satellitstaðarfesting. Úrslitið vísir greitt ein meldur um bankan við klokkuni, sum tó verður órógvaður viðhvørt. Hetta kann hava týdning fyri støddina av ymsu árgangunum av t.d. toski á bankanum.