Pápar og familjulív í Føroyum: Modernaði pápin millum fortíð og framtíð

Tá ið vit í Føroyum kjakast um familjuviðurskifti og foreldraleiklutir, so er tað sum oftast við mammuni í brennideplinum. Pápin hevur sum heild verið rættiliga ósjónligur í orðaskiftinum um kyn, familjulív og barnauppaling í miðlunum her heima. Samfelagið er nógv broytt síðan seinasta aldaskiftið, og alt fleiri mátar at liva sum familja – við ella uttan børn, gift ella ógift, stakur ella við maka – eru at síggja í Føroyum. Í samrøðunum við føroyskar pápar í kanningini hjá okkum, kemur ein meira samansett mynd av maskulinitetinum hjá pápanum fram: maðurin hevur gaman í virðir og áhugamál, ið vit lættliga kunnu seta í samband við “nýggja” mannin og modernaðu familjuna, men hann er eisini partur av einari mentan, ið altíð hevur virðismett mannin fyri styrki, ágrýtni og treysti í arbeiði á landi og sjógvi.