Kanningar av laksarognum

Greinin snýr seg um partar av lívvirkisfrøðini hjá laksarognum. Somuleiðis er víst á nøkur av teimum fyribrigdum, ið ávirka dygdina á laksarognum, og hvussu kunnleiki um hetta kann nýtast av teimum, ið strúka lívfisk og framleiða rogn. Á aliroyndarstøðini hjá P/F Fiskaaling/Fiskirannsóknarstovuni hava skrásetingar yvir rognnøgd, felli, vakstrareginleikar o.t. verðið gjørdar leingi. Greitt verður her frá nøkrum av teimum úrslitum, ið skrásetingarnar hava víst. Eisini verður greitt frá eini kanning. Kanningin samanber dygdina á rognum undan alilaksi, har rognini vóru av ymiskari stødd. Niðurstøðan í hesi kanning er, at rognstødd og rogndygd ikki eru knýtt at hvørjum øðrum. Tí kann tað loysa seg hjá eini smoltstøð at keypa smærru rognini, í hvussu er so leingi, søluprísurin er fyri hvønn litur av rognum heldur enn fyri tal av rognum.