Hvar eru tey, og hvussu eru tey nøgd? Kanning millum lesandi á Fróðskaparsetri Føroya árini 1999-2009

Á sumri 2009 heitti Setursskrivstovan á Granskingardepilin fyri Samfelagsmenning um at gera kanning, sum m.a. skuldi lýsa, hvussu tey, sum hava tikið prógv á Fróðskaparsetrinum tey seinastu 10 árini, eru nøgd, og hvar tey eru endaði eftir loknað útbúgving.

Úrslitið av kanningin verður lýst í hesum arbeiðsriti. Úrslitini siga nakað um tey, sum hava tikið prógv á Fróðskaparsetrinum tey seinastu 10 árini – og ikki nakað um onnur í Føroyum, sum hava nomið hægri útbúgving í Føroyum ella uttanlands.

Tilsamans hava 175 fólk tikið prógv á Setrinum í tíðarskeiðinum frá 1. januar 1999 til 31. juli 2009. Orsøkin til, at talið av útskrivaðum prógvum ikki er hægri enn 175 prógv hesi 10 árini, er, at deildirnar á Fróðskaparsetrinum ikki taka lesandi inn hvørt ár, umframt at flokkarnir ikki eru so stórir.