Dátuinnsavning og telduviðgerð á Fiskirannsóknarstovuni

Teldukervið á Fiskirannsóknarstovuni hevur stóran týdning fyri dagliga arbeiðið á stovninum. Í hesari greinini verður í stuttum greitt frá bygnaðinum av hesum kervi og frá teimum forritum, ið verða nýtt til skrásetingina og viðgerðina av upplýsingunum, ið stovnurin savnar inn. Størstur dentur er lagdur á at lýsa skipanirnar, ið eru gjørdar til sýnistøku á landi og til skráseting og viðgerð av teimum upplýsingum, ið verða fungnar til vega við fiskirannsóknarskipinum "Magnusi Heinasyni". Greitt verður frá, hvussu upplýsingarnar verða innsavnaðar og skipaðar, og hvussu viðgerðin fer fram. Ein samtalvudátustovnur (á enskum relational data base) verður nýttur sum dátugoymsla, og nakrir av teimum møguleikum, ið hesin gevur, verða lýstir við dømum.