Nón - Tematýsdagur um Fólkatingið

Description

Fólkatingsvalið nærkast, men hví eru Føroyar yvirhøvir umboðaðar á Fólkatingi?

Vit lýsa fólkatingsumboðanina úr søguliga horninum, tá Erling Isholm, søgufrøðingur, vitjar um runda borðið.

Hvør er áhugin fyri fólkatingsvalinum millum bæði veljarar og valevni, er ein av yvirskriftinum, sum vit viðgera saman við Una Holm Johannesen, stjórnmálafrøðingi.

Seinnapartin í nítiárunum arbeiddu Kári Durhuus og Per Højgaard sum journalistar á Fólkatingi. Vit fara eitt nú at fregnast um hetta serliga journalistiska arbeiðsplássið, tá Kári Durhuus kemur á gátt.

"Tá ið føroyskir fólkatingsmenninir avgera danskan politikk!" Óli Breckmann og Jóannes Eidesgaard hava báðir sitið á Fólkatingi. Og við bæði einum løttum og seriøsum tóna skifta teir orð um tíðina á danatingi.

Eitt er føroyska fólkatingsvalið, men hvat myndar tað danska? Vit spyrja Kaj Joensen, sum hevur sína dagligu gongd sum journalistur á Christiansborg.

Tú kanst hoyra sendingina her.