Námsvísindadeildin upp í NTI-netverkið

Description

Námsvísindadeildin verður partur av áhugaverdum norðurlendskum granskingarnetverki

Subject

Mikudagin var Námsvísindadeildin vertur. Fyrrapartin hittu gestirnir setursleiðsluna, har Martin Zachariasen, rektari, og Johan Súni Hansen, fyrisitingarstjóri, greiddu frá søgu, endamáli og visjónum Setursins. Eftir hetta gekk leiðin niðan á Námsvísindadeildina, har trý evni vóru á skránni. Fyrst hevði Hans Harryson, varadekanur á NÁD, framløgu um føroysku læraraútbúgvingina, læraralesandi í 2020unum og støðuna hjá nýútbúnum føroyskum lærarum í dag. Síðani hevði Ingi Heinesen Højsted, granskingarleiðari á NÁD, eina framløgu um granskingarvirksemið á deildini. Og at enda greiddi Kimberly Joy Go Elambo, lærari í Sankta Frans skúla, frá, hvussu tað er at vera nýútbúgvin lærari í føroyska fólkaskúlanum.