Fyrsti løgmaður í heimastýrinum - 3. partur

Description

Andras Samuelsen gjørdist sýslumaður í Fuglafirði í 1910. Tá høvdu hann og Beate fingið tríggjar synir. Í 1913 kom einasta dóttirin.

Eftir at Andras hevði tapt fólkatingsvalið í 1915, gjørdist hann í 1917 landstingsmaður, og í 1918 eydnast honum at endurvinna fólkatingssessin.

Sjálvstýrisflokkurin fær sama ár meiriluta á tingi, og Jóannes Patursson verður landstingsmaður.

Eitt hart stríðsmál hesa tíðina er spurningurin um føroyskt sum frálærumál í skúlanum, og eisini vilja sjálvstýrismenn hava broytt grundlógina, so Føroyar fáa meira sjálvræði.
Í

1924 fer Oliver Effersøe frá sum formaður í Sambandsflokkinum, og Andras tekur við sessinum.

Andras er fólkatingsmaður til 1939. Undir seinna heimsbardaga samstarva hann, Petur Mohr Dam og Louis Zachariassen serliga væl við amtmannin, Hilbert.

Tá landsstýri verður skipað í 1948, verður Andras løgmaður og situr til 1950.

Uni Arge skrivar og leggur til rættis, og Rúni Eysturlíð setti saman.