Ein mikrosøga um bókbindaran H.N. Jacobsen og hansara ætt. Hetta er eitt gott dømi um, hvussu broytingar í fyrru helvt av 1800-talinum góvu nýggjar tilverumøguleikar hjá at kalla ognarleysum. Hetta gav teimum seinni pláss í einum nýggjum borgaraskapi og gjørdi, at tey fingu stóra ávirkan á bæði mentan og samfelagslív síðstu áratíggjuni av 1800-talinum og mong ár fram. H.N. Jacobsen var soleiðis ein av innkallarunum til jólafundin, og tað var úr hesum heiminum, fyrsti føroyski akademiski doktarin stavaði.